Во духот на вековната православна традиција и со силна порака на вера и заедништво, Крива Паланка достоинствено и масовно го одбележа големиот христијански празник Богојавление – Водици. Празникот, кој симболизира осветување на водите и Христовото крштевање во реката Јордан, и годинава ги обедини граѓаните околу духовните вредности, традицијата и заедничката радост.
Централниот настан се одржа на водите на Крива Река, каде по осветувањето на реката беше фрлен Светиот Крст, а меѓу верниците кои храбро влегоа во ладните води беше и градоначалникот на Општина Крива Паланка, Сашко Митовски. Со своето директно учество во ритуалот, градоначалникот испрати силна и јасна порака за лична посветеност, почит кон православните обичаи и сплотеност со граѓаните.
Macedonian 
English